Համբույրն օգնում է բացահայտել զուգընկերոջ բնավորության գծերը. գիտնականներ. 1in.am

Համբույրն օգնում է բացահայտել զուգընկերոջ բնավորության գծերը, համոզված են գիտնականները: Այս եզրահանգման են եկել ֆրանսիացի մասնագետները, որոնց հետազոտությանը մասնակցել է 1000 կամավոր:

Փորձի բոլոր մասնակիցները զույգերով երեք խմբի են բաժանվել, հաղորդում է Vladtime-ը: Առաջին խումբը ներառել է զույգեր, որոնց միջև արդեն լուրջ հարաբերություններ են հաստատվել: Երկրորդ խմբում եղել են այն զույգերը, ովքեր ծանոթացել են վերջերս, իսկ երրորդ խմբի մասնակիցները նախկինում չեն ճանաչել միմյանց: Բոլոր զույգերին առաջարկել են համբուրվել, այնուհետև պատասխանել հարցաշարի հարցերին:

Վերլուծելով մասնակիցների պատասխանները՝ գիտնականները պարզել են, որ համբույրը բացահայտում է զուգընկերոջ բնավորության գծերը, ընդ որում` երրորդ խմբի կամավորները, ովքեր ընդհանրապես չեն ճանաչել միմյանց, համբույրից հետո ամենահետաքրքիր և ամենամեծ տեղեկատվությունն են ստացել:

Մասնագետները նշում են, որ համբույրի շնորհիվ կարելի է պարզել զուգընկերոջ ինքնագնահատականը և խառնվածքը, ինչպես նաև, թե որքան կոկիկ է կամ հակված արկածախնդրության:

Հարցեր, պատասխաններ, մեկնաբանություններ