Ընտանեկան երջանկության հորմոնը սթափության հիանալի մեթոդ է ծառայում. գիտնականներ. 1in.am

Սիրո և ընտանեկան երջանկության հորմոն օքստիոցինը ուղեղի բջիջները պաշտպանում է սպիրտի ազդեցությունից և զգալիորեն նվազեցնում է խմելու ցանկությունը, որը հնարավորություն է տալիս այն հետագայում կիրառել հարբեցողության բուժման մեջ: Այս մասին է ասվում Proceedings of the National Academy of Sciences ամսագրում հրապարակված հոդվածում:

Սիդնեյի համալսարանի աշխատակից Մայքլ Բոուենը և նրա գործընկերներն այս ֆենոմենը բացահայտել են սպիրտային խմիչքների մեծ չափաքանակ ընդունած առնետների շարժման կոորդինացիայի խախտումները ուղղելու փորձի ժամանակ:

Փորձի ժամանակ կրծողներին տարբեր նյութեր են ներարկել, այդ թվում նաև օքսիտոցին, որի շարժողական խանգարումները զգալիորեն վերացել են:

Գիտնականները նշում են, որ այս հորմոնն օրգանիզմից ալկոհոլը դուրս չի բերում, այն միայն ճնշում է դրա ազդեցությունը: Սակայն, օքսիտոցինը չի կարող կանխել մեծ չափաքանակով ընդունած ալկոհոլի հետևանքները:

Հարցեր, պատասխաններ, մեկնաբանություններ