Ինչու են հաճախ ամուսնալուծվում ամուսնության չորրորդ ու յոթերորդ տարիներին. գիտնականներ. 1in.am

Ամերիկացի կենսաբանները բացատրել են «յոթերորդ տարվա մարմաջը», որն ընտանեկան զույգերին դրդում է ամուսնալուծվել ամուսնության 7-րդ տարում: Այս մասին հայտնում է Red Orbit-ը՝ հղում անելով մարդաբան Հելեն Ֆիշերին՝ Ռատգերսի համալսարանից:

Նյութեր հավաքելով իր «Սիրո անատոմիա. Միամուսնության, դավաճանությունների ու ամուսնալուծություններ բնական պատմություն» գրքի համար՝ Ֆիշերը ուսումնասիրել է տարբեր երկրների տվյալները: Նա ուշադրություն է դարձրել, որ չնայած ամուսնության միջին տևողությունը 7 տարի է՝ զույգերը հիմնականում ամուսնալուծվում են համատեղ կյանքի 4-րդ տարում:

Բացի այդ՝ ամուսնալուծվել են հիմնականում առավելագույն տարիքում երեխաներ ունենալու և դաստիարակելու պատրաստ զույգերը. տղամարդիկ՝ 25-29 տարեկանում, կանայք՝ 20-24 ու 25-29 տարեկանում:

Կապիկների շրջանում միայն 25 տոկոսն է համարվում միամուսնական, իսկ բոլոր կաթնասունների շրջանում միայն 5 տոկոսն է միավորվում ընտանեկան կապերով՝ երեխաների դաստիարակության համար: Թռչունների մոտ ընդհակառակը՝ դա 90 տոկոս է:

Ըստ կենսաբանի՝ որսորդ-հավաքորդների հասարակությունում կանայք ծննդաբերել են մոտավորապես 4 տարին մեկ: Նույն ժամանակահատվածում երեխաները ստանում են ցեղում դաստիարակվելու հնարավորություն, իսկ ծնողներն ունենում են նոր կողակցի գտնելու հնարավորություն: Էվոլյուցիայի տեսակետից ամուսնալուծությունը համատեղ կյանքի 4-րդ տարում կարող է կապված լինել մարդկության պատմության հնագույն ժամանակների հետ:

Հարցեր, պատասխաններ, մեկնաբանություններ