Կնոջ նկատմամբ տղամարդու զգացմուքների մասին է վկայում նրա ձայնի տեմբրը. 1in.am

Բոլոր այն կանայք, ովքեր ցանկանում են իմանալ, արդյո՞ք տղամարդը իրականում հետաքրքրված է իրենով, թե՝ ոչ, ուսումնասիրողները խորհուրդ են տալիս ուշադրություն դարձնել ոչ թե այն հանգամանքին, թե ինչ է ասում տղամարդը, այլ թե ինչպես է նա դա ասում:

Այն կնոջ հետ, ում տղամարդը գրավիչ է համարում, խոսում է այնպես, ինչպես խոսում են երեխայի հետ՝ երկարացնելով: Ընդ որում, տղամարդը փորձում է ձայնը առավելագույնս ցածրացնել, պնդում են Սթերլինգի համալսարանի գիտնականները, գրում է Mail Online-ը:

Իսկ կանայք իրենց հերթին նշում են, որ այդպիսի ձայներն իրենց ավելի գրավիչ են թվում: Հոգեբանները կարծում են, որ տղամարդիկ իջեցնում են ձայնը, որպեսզի այն ավելի առնական հնչի, այնուհետև խաղում են բարձրության վրա, որպեսզի օգնեն կնոջն իրեն ավելի ինքնավստահ զգա:

Սակայն չափազանց առնականությունը կանանց նախազգուշացնում է տղամարդու կոպիտ լինելու մասին: Այդ փաստն էլ արական սեռի ներկայացուցիչներին դժվար կացության մեջ է դնում, քանի որ նրանք պետք է ցույց տան որ առնական են, սակայն միևնույն ժամանակ, պետք է հասկացնեն, որ լավ զուգընկերներ և հոգատար հայրեր կլինեն:

Հարցեր, պատասխաններ, մեկնաբանություններ