Տարիքային մեծ տարբերությամբ ամուսնությունները երջանիկ չեն լինում. հոգեբաններ

Կոլորադոյի համալսարանի գիտնականները նոր հետազոտության ընթացքում պարզել են, որ տարիքային մեծ տարբերությամբ ամուսնությունները չեն կարող երջանիկ լինել՝ հաղորդում է Deti.mail.ru-ն:

Հետազոտության ընթացքում մշակվել են 1960-2000թթ. վիճակագրական տվյալները: Պարզվել է, որ ամուսինները, որոնց միջև գոյություն ունի տարիքային մեծ տարբերություն, ավելի շատ խնդիրներ են ունենում, քան հասակակից ամուսինները: Դրա պատճառը հիմնականում քիչ վարձատրվող աշխատանքն է, արտաքին տեսքը, լուրջ հիվանդությունները և այլն: Այս ամենը հատուկ է ոչ միայն տղամարդկանց, այլև կանանց:

Հոգեբանները եկել են այն եզրակացության, որ նման ամուսնությունները ավելի շուտ են փլուզվում, քան այն ամուսնությունները, երբ ամուսինների միջև տարիքային տարբերությունը քիչ է:

Ուսումնասիրողները եզրակացրել են, որ ամուսնությունները, երբ ամուսինների միջև կա ավելի քան 20 տարվա տարիքային տարբերություն, չի կարելի երջանիկ համարել, քանի որ դրանք հավանաբար կհանգեցնեն ամուսնալուծության:

Հարցեր, պատասխաններ, մեկնաբանություններ