Ներընտանեկան խնդիրների մասին չխոսելն ամրապնդում է ամուսնությունը

Հոգեբանները սովորաբար ամուսնական զույգերին խորհուրդ են տալիս քննարկել իրենց խնդիրները` չթաքցնելով անձնական հավակնությունները: Սակայն Սառա Հոլին ` Սան Ֆրանցիսկոյի համալսարանից, կարծում է, որ ավելի լավ է խուսափել դրանից` հատկապես, եթե զույգերը 60 տարեկանից մեծ են, հաղորդում է Time-ը:

Հետազոտողները շուրջ 13 տարի հետևել են 127 զույգերի (40-50 և 60-70 տարեկան): Հոլիի տրամադրության տակ են եղել վիճաբանությունների քննարկումների տեսաձայնագրություններ: Պարզվել է, որ տարեց մարդիկ խուսափել են քննարկել տհաճ թեմաներ: Եվ դա չի նվազեցրել նրանց ամուսնական կյանքի երջանկության ցուցանիշները:

Ամենայն հավանականությամբ, մարդկանց այս խումբը վեճերի մեջ արժեք չի տեսնում: Նրանք ավելի շատ հակված են դրական շփման փորձին: Մյուս կողմից` համատեղ կյանքի ընթացքում մարդիկ արդեն հասկացել են` քննարկումներն իմաստ ունե՞ն, թե՞ ոչ:

Հարցեր, պատասխաններ, մեկնաբանություններ