Կանայք մեկ հայացք նետելով տղամարդու արտաքինին` կարող են «հայտնաբերել» անհավատարիմ ամուսիններին

Կանայք կարող են անհավատարիմ ամուսիններին «հայտնաբերել» ընդամենը մի հայացք նետելով նրանց արտաքինին: Ընդ որում՝ նրանք կարող են լավ չճանաչել անգամ տղամարդուն: 

Բավական է միայն նայել անծանոթի դեմքին, և յուրաքանչյուր գաղտնիք կբացվի կանանց համար` ասվում է Biology Letters ամսագրում նշված հրապարակման մեջ: 

Դրանում ներկայացվում են տվյալներ, որոնք ստացել են Արևմտյան Ավստրալիայի համալսարանի ավստրալական հետազոտությունների կենտրոնի աշխատակիցները: Նրանք հետազոտություն են անցկացրել, որի ընթացքում 34 տղամարդուց ու 34 կնոջից բաղկացած խմբերին ցույց են տվել նրանց անծանոթ մարդկանց լուսանկարներ: 

Նայելով դրանք՝ կամավորները պետք է գնահատեն, թե որքանով են անծանոթները հավատարիմ անձնական կյանքում: Առաջարկվել էր գնահատել 189 մարդու, ապա համեմատվել էին ստացված արդյունքները նրանց անձնական կյանքի պատմությունների հետ ու եկել այն եզրակացության, որ կանայք կարողացել են հստակ որոշել՝ ով է հակված անհավատարմության: 

Ընդ որում՝ նրանք իրենց կարծիքը հիմնավորել են նրանով, թե որքան առնական տեսք ունի տղամարդը: Այն տղամարդը, որի մոտ տվյալ հատկանիշը եղել է բավարար քանակությամբ, գնահատվել է որպես առավելապես հակված սիրային արկածների նկատմամբ: 

Իրենց հերթին տղամարդիկ ավելի հաճախ հիմք են ընդունել կանանց գրավչությունը, և անհավատարմության մեջ են կասկածել առավել գեղեցիկ կանանց՝ առանց որևէ պատճառի, ինչի արդյունքում ավելի քիչ են մոտ եղել իրականությանը: 

Հարցեր, պատասխաններ, մեկնաբանություններ