Մաշկավեներաբան. Սեռական դաստիարակության հիմքում պետք է ընկած լինի ընտանիքը

Հայաստանում սեռական դաստիարակությունը բավականին ցածր մակարդակի վրա է, թեև ինֆորմացիան շատացել է ու պետք է տեղեկացվածության մակարդակն ավելի բարձրանար: Ասուլիսում նման կարծիք հայտնեց Մաշկաբանության և սեռավարակների գիտաբժշկական կենտրոնի հակաբորային կաբինետի վարիչ, մաշկավեներաբան Սամվել Հովհաննիսյանը: 

Նրա խոսքով, սեռական դաստիարակության հիմքում պետք է ընկած լինի ընտանիքը, դասագիրքը, մինչդեռ «7-8-9-րդ դասարանի երեխաների բջջայինների մեջ ավելի շատ սեռական բնույթի կադրեր են, տեսանյութեր»: 

«Այս ամենը տանում է դեգրադացիայի»,- մաշկաբանի խոսքը շարունակեց ասուլիսին ներկա սեքսապաթոլոգ-հոգեթերապևտ Մարատ Զաքարյանը: Նա նաև տեղեկացրեց, որ ի հայտ են եկել նոր սերնդի սեռավարակներ, միաժամանակ հավելելով, որ դրանց դեմ պայքարելու համար նաև նոր դեղամիջոցներ են ստեղծվել:

Սեքսապաթոլոգ-հոգեթերապևտը նշեց, որ և տղամարդկանց, և կանանց մոտ հայտնաբերված ցանկացած սեռավարակի ոչ լիարժեք բուժելը կամ անտեսելը կարող է բերել չբերության:

Հարցեր, պատասխաններ, մեկնաբանություններ