Ինչու են տղամարդիկ նախընտրում կայացած կանանց. ծանոթությունների կայք

Լրագրողների հետազոտության արդյունքում պարզվել է, որ աշնանը, երբ փողոցային ծանոթությունների քանակը նվազում է, դրանց թիվն աճում է համացանցում: Կանայք, ինչպես միշտ, նախընտրում են հուսալի, գեղեցիկ և խելացի կողակցի: Իսկ ինչպիսի՞ կին են փնտրում տղամարդիկ համացանցում:

Այն, որ երիտասարդներն ու գեղեցիկները համացանցում հաջողություն էին ունենալու, լրագրողների մոտ կասկած չէր հարուցում: Իրենց ենթադրությունները ստուգելու համար թղթակիցները ծանոթությունների կայքում 45 տարեկան կնոջ անկետա են բացել, սակայն չեն նշել, թե ինչպիսի տղամարդ է նրան հարկավոր: Ընդգծել են կնոջ կարգավիճակը և ապահովված լինելը և սկսել են հետևել, թե քանի տղամարդ կարձագանքի: Երեք օրվա ընթացքում Նատալյային գրել է 46 տղամարդ` ինտիմ հարաբերությունների և փողի ակնկալիքով։

Նատալյայի անկետայի մեջ նշվել էր «գեղեցկության սրահի տնօրեն, ամուսնալուծված, ով այլևս չի ուզում ամուսնանալ և փնտրում է հասուն տղամարդու»։ 

Նատալյային գրած տղամարդկանց շարքում միայն 2-ն էին, որ համապատասխանում էին տարիքով` այսինքն 50-ից քիչ ավել էին: Մեծամասնության նույնիսկ 30-ը չէր բոլորել: Այն, որ Նատալյան վաղուց արդեն աղջիկ չէր, նրանց բոլորովին էլ չէր վանել։ «Պաշտում եմ հասուն և իմաստուն կանանց»,– գրել էր նրանցից մեկը։ Նատալյան ձևացնում էր, թե իբր հավատում է. իհարկե 20 տարեկան տղաներին լիարժեք երջանկության համար անհրաժեշտ է հենց 45-ամյա կին:

Տարիքով տղամարդկանց մեջ կային նաև ամուսնացածներ: Մի երիտասարդ կարծես կարդալով լրագրողի միտքը՝ գրել էր, որ ինքն այդպիսին չէ, ուղղակի իրեն դուր եկավ գեղեցիկ կինը, բայց պարզվեց, որ տանը նրան իր կինն է սպասում: 

Երիտասարդների մեծ մասը չէին ընդունում, որ կնոջ նյութական ապահովվածությունն է իրենց հետաքրքրում:

Սակայն լրագրողները որոշել էին, այնուամենայնիվ, գտնել իսկական ալֆոնսներ: Դրա համար անկետայում ավելացրել են. «Փնտրում եմ համակրելի և երիտասարդ ուղեկցի՝ Դոմինիկյան Հանրապետություն գնալու համար, իմ հաշվին, հնարավոր է հարբերությունների հետագա շարունակություն»:

Դրանից հետո Նատալյային գրել էր 18 մարդ: Տարիքը կրկին խոչընդոտ չէր: 20-23 տարեկան երիտասարդները հենց միանգամից մտերիմ հարաբերություններ էին առաջարկում մինչև կյանքի վերջը: Փոխարենը խնդրելով նյութական փոխհատուցում: Մի տղա պատվիրել էր վարձով բնակարան, քանի որ ծնողների հետ այլևս չէր կարող ապրել, իսկ մեկ ուրիշը՝ մեքենա՝ այնպիսին, ինչպիսին Նատալյայինն է:

Ի վերջո մի երիտասարդ անկեղծացել էր և պատմել, որ ինքն արդեն ապրել է տարքիով մեծ կնոջ փողերի հաշվին: Տղայի խոսքերով՝ կինը 50 տարեկան էր և 4 ամսվա ընթացքում հադիպելու և սեքսի համար իրեն ավտոմեքենա էր նվիրել: 

Հոգեբանի կարծիքով՝ ոչ բոլոր տղամարդիկ, ովքեր ապրում են կանանց հաշվին, ալֆոնս են: Բայց այդպիսինները կան և գնալով ավելանում են: Նրանց քանակի ավելացաման համար մեղավոր են կանայք: Չէ՞ որ նրանք ավելի ու ավելի շատ են իրենց վրա վերցնում այն աշխատանքը, որն ավանդաբար տղամարդն է արել` մեխ խփել, փող վաստակել, ընտանիքը կերակրել, ուրեմն, զարմանալի չէ, որ ուժեղ սեռը թուլանում է և նստում կանանց վզին:

Հարցեր, պատասխաններ, մեկնաբանություններ