Դավաճանություն

Դուք ունեք չորս տարբերակ` չներել, ներել, թողնել այնպես ինչպես կա, գործել համաձայն պլանի:Ամեն դեպքում պետք է համոզված լինեք դավաճանության փաստի մեջ:

Ահա մի քանի նախանշաններ.

1. զուգընկերոջ մոտ մինչ այդ բացակայող տրամադրության կտրուկ տատանումներ` անհասկանալի բարկություն, չհիմնավորված մեղավոր մեղմություն (կանանց մոտ), գոռոզություն (տղամարդկանց մոտ), մելանխոլիա, ջղայնություն
2. սեռական վարքագծի կտրուկ փոփոխություն (աճ կամ անկում)
3. նոր իրեր, անսպասելի հոգատարություն սեփական արտաքինի նկատմամբ, նոր ատամի մածուկ, լոսյոն, փողկապներ
4. ուշացումներ աշխատավայրում և կորչում է մի քանի ժամով հանգստյան օրերին
5. գաղտնապահության դրսևորումներ սկսել է քիչ պատմել գործերից (հեռախոսով խոսելիս աշխատում է որ իրեն չլսեն)
6. հանկարծակի ձեռնաբացություն ձեր նկատմամբ նվերներ, պատրաստակամորեն ձեզ շներհված ազատություն
7. ավտոմեքենայի արագաչափի ցուցմունքի թվերի մեծացումներ
8. ժամանակ առ ժամանակ հնչող տարօրինակ հեռախոսային զանգեր (ինչ որ մեկը զանգում է ու չի խոսում)
9. ավելացել են նրա թաքուն և անհասկանլի ծախսերը
10. ավանդական վկայություններ` օտար օծանելիքի հոտ, շրթներկի հետք այտին կամ օձիքին, օտար մազեր, սիրային երկտող

Հարկ է նշել որ այս նշաններից ցանկացածը դեռ հիմք չի տալիս ձեզ համոզված լինելու նրա անհավատարմության մեջ:Այդ պահվածքի համար կարող են լինել բազմաթիվ այլ պատճառներ:Եզրակացություններ կարող եք անել միայն այն դեպքում երբ տիրապետում եք բավարար ինֆորմացիայի:

Որոշ մարդիք նախընտրում են դիմել մասնավոր դետեկտիվներին իսկ նրանք մի քանի հարյուր դոլար վարձավճարով արագ կներկայացնեն ամբողջական հաշվետվություն:

Չնայած հանգամանքների բազմազանությանը դավաճանությունները լինում են մի քանի տիպի.

• այսպես կոչված հանգստավայրային կամ ամառանոցային դավաճանություն, որը համարյա միշտ սեզոնային սահմանափակ բնույթ է կրում և շատ հեշտ կանխատեսվում է:Ավելի կարճ և պարզ է լինում պատահական հրապուրանքը ասենք ինչ որ երեկոյի ժամանակ:
• ավելի ձգձգված և դժվար կանխատեսելի է ծառայողական սիրավեպը:Նույնիսկ ամեն ինչ ավարտելուց հետո էլ նրանք ամեն օր տեսնվում են և շատ դժվար է կանխագուշակել թէ ինչ ընթացք այն կունենա:
• շատ ավելի խճճված է սիրավեպը կնոջ ընկերուհու (ամուսնու ընկերոջ) կամ հարևանի հետ:
• իսկ խճճված ու բարդ հարաբերությունների գագաթնակետ կարելի է հավանել ծառայողական սիրավեպը ասենք կնոջ ընկերուհու հետ, որը նաև ձեր հարևանն է:

Ամերիկացի սոցիոլոգ Անետ Լոսոնը նշում է, թե իր հետազոտությունների արդյունքում պարզ է դարձել, որ տղամարդկանց 78%-ը և կանանց 67%-ը ազնվորեն պատմել են զուգընկերոջը իրենց դավաճանության մասին:

Շատ հոգեբաններ խորհուրդ են տալիս տղամարդկանց, որ եթե այնուամենայնիվ որոշել եք պատմել , ապա եղեք շատ զգույշ և օբյեկտիվորեն գնահատեք ձեր հասցրած հարվածը ընդունելու զուգընկերոջ հնարավորությունները:Իսկ կանանց հոգեբանները խորհուրդ են տալիս չխոստովանել դավաճանությունը, քանի որ դա տղամարդու արժանապատվությանը հասցված ամենալուրջ և անբուժելի վերքն է:

Վերը նշված 4 տարբերակների ընտրության հարցում հոգեբանները խորհուրդ են տալիս ընտրել կամ առաջինը (չներել) կամ չորրորդը (գործել համաձայն պլանի):Սակայն երկու դեպքում էլ անհրաժեշտ է դադար առնել:Չի կարելի պահի ազդեցության տակ ճակատագրեր որոշել:Առաջին տարբերակից կարելի է օգտվել եթե ձեր ամուսնությունը վաղուց իրեն սպառել է և վերջապես առիթ կա բաժանվելու:Իսկ ով ցանկանում է պահպանել ընտանիքը պետք է ընտրի դժվարին ճանապարհը`վերականգնումը:

Ամուսնության հարցերով ամերիկացի խորհրդատու Ուիլիարդ Հարլին առաջարկում է դավաճանության մասին իմանալուց հետո հետագա այս քայլերը.

1-րդ քայլ` հարցրեք ձեզ արդյոք ուզում եք դիմանալ ընտանեկան փոթորիկին.Սովորաբար այն ամուսինը ում դավաճանել են ուզում է անպայման մեղադրել մյուս կողմին, սակայն սովորաբար երկուսն էլ մեղավոր են այդ հարցում:Դա բավականին տհաճ է բայց դավաճանության զոհը պետք է հարցնի ինքն իրեն.
- այդ ինչպե՞ս եղավ, որ սիրո բանկում իմ հաշիվը այնդան իջավ, որ դավաճանություն եղավ

2-րդ քայլ` մի հետաձգեք ձեր գործողությունները.Հաճախ դավաճանված կանայք ուղակի համակերպվում են դավաճանության փաստի հետ, որպեսզի պահպանեն ամուսնությունը:Ինչ էլ որ կինը անի նա պետք է ցույց տա ամուսնուն, որ մտադիր չէ համակերպվել դավաճանության հետ:
3-րդ քայլ`գտեք լավ խորհրդատուի, այն նույն պատճառով, որով ձեզ անհրաժեշտ է վիրաբուժ, երբ կույր աղիքի նոպա եք ունենում: Միաժամանակ պետք է, որ ձեր ամուսինը չհանդիպի այն մարդու հետ, ում հետ նա ձեզ դավաճանել է` հակառակ դեպքում նրանք կփորձեն թեկուզ մի րոպեյով հանդիպել և ամեն ինչ կսկսվի նորից:

4-րդ քայլ`սկսեք բավարարել միմյանց ցանկությունները:Երկու ամուսիններն էլ պետք է իմանան թե ինչ է ուզում մյուս կողմը և բավարարեն:Պետք է լինել հատկապես ուշադիր և անկեղծ:Եթե որևիցե պահանջմունք տղամարդը կամ կինը չեն կարողանում բավարարել ընտանիքի շրջանակներում, ապա վաղ թե ուշ նրանք կսկսեն դրա փնտրտուքները դրսում:

5-րդ քայլ` գիտակցեք, որ հեշտ չի լինելու:Ամենայն հավանականությամբ դավաճանած ամուսինը սկզբում կպատասխանի դեպրեսիայով, մտածելու է նրա մասին ում կորցրել է:Բայց որպեսզի հնարավոր լինի հատել ցանկությունը անհրաժեշտ է բացահայտ կառավարում, որի հետ ամուսինը պիտի համաձայնվի:Հույս մի ունեցեք, որ ամեն ինչ կանցնի 2-3 շաբաթից:

6-րդ քայլ` ձեր ամուսնությունը կարող է լինել ավելի ամուր քան երբևիցե:

Մարդիք շատ են ասում, որ չեն կարող այլևս սիրել և հավատալ դավաճանած ամուսնուն:Սակայն փորձը ցույց է տալիս, որ դա այդպես չէ:Դավաճանությունը հանդիսանում է տրավմա-ուժեղացուցիչ և ստիպում է ամուսիններին հարաբերություններում նոր կոնստրուկտիվ փոփոխություններ մտցնել:Դա նոր հնարավորություն է տալիս ավելի շատ սիրել միմյանց:

Ու. Հարլիի խորհուրդներին կարելի է ավելացնել սեքսոլոգիայի կլասիկ Կինզիի մեջբերումը.

- Արտաամուսնական կապերը լինում են տղամարդկանց 60%-ի մոտ իսկ երազում են այդ մասին նրանց 80%-ը:Սեքսոլոգները դա բացատրում են տղամարդու կենսաբանական առանձնահատկությամբ` որի վրա է հիմնված էվոլյուցիայի հիմնակամ մեխանիզմներից մեկը և այսպես կոչված փնտրողական վարքագիծը:Պատահական չէ, որ բազմակնությամբ ապրող հասարակությունները ավելի շատ են քան մենամուսնությամբ ապրողները:

Բնականաբար այս փաստերը չեն արդարացնում անբարոյականությունը, սակայն արժե դրանք հաշվի առնել:

Դավաճանության մասին իմանալիս հիմնական սխալը կայանում է կտրուկ "հեռացի" ասելու մեջ, քանի որ որոշ ժամանակ հետո ամուսնուն հետ բերելը կարող է շատ դժվար լինել:

Մարգարեթ Քենթը (ԱՄՆ) առաջարկում է կնոջ պահվածքի հատուկ ծրագիր:Ահա դրա կետերից մի քանիսը.

• թող նա չիմանա ինչի՞ մասին եք դուք մտածում քանի դեռ չեք մշակել գործողությունների պլան (պահպանեք այդ առավելությունը)
• երբ պատրաստ կլինեք ցույց տվեք ամուսնուն թե որքա՞ն վրդովված եք. եթե որոշել եք նրան վատություն անել, արեք այնպես որ չհեռացնեք նրան ձեզանից ընդմիշտ
• եթե չեք կարողանում ձեզ տիրապետել, ստիպեք ձեզ կրկին վերականգնել ինքնատիրապետումը, մի սպասեք թե կազդեք ամուսնու վրա և կփոխեք ձեր կյանքը
• հնարավորին չափ եղեք ընկերասեր և մի մերժեք նրան մերձեցման մեջ, հակառակ դեպքում նա շատ մատչելի կլինի այլ կնոջ հմար
• նրան հնարավորություն տվեք բացատրվելու.նա ստել է խնայելով ձեր զգացմունքները և պահպանելու համար հարաբերությունները ու կարող է շատ ափսոսալ դավաճանության համար
• ուրախացրեք ձեզ հաճելի զբաղմունքով.թող ձեր աչքերում միշտ լինի ժպիտ իսկ աչքերում փայլ.երջանիկ երևալու ունակությունը ձեզ շատ գրավիչ է դարձնում
• ձեզ դաշնակից է պետք` մոտ ընկերուհի, որը ընդունակ է օգնել ձեզ դժվար ժամանակներին. ընտրեք խելացի և զգույշ կնոջ և մի տվեք այդ առավելությունը ում պատահի
• անհնարին դարձրեք նրա կապը այդ կնոջ հետ.
• ես դուրս չեմ վռնդի քեզ, չեմ բաժանի քեզ երեխաներից և միշտ կսիրեմ քեզ` ահա այս մտքերը պետք է ներշնչել նրան:Նա դա կփոխանցի այդ կնոջը, որը կտխրեցնի նրան ավելի շատ քան նա է ձեզ տխրեցրել
• թուլացրեք ամուսնուց ձեր կախվածությունը և աշխատեք լինել այլ շրջապատում` ձեզ անհրաժեշտ են նոր զրուցակիցներ
• երջանիկ ամուսնությունը հիմնված է երջանկության վրա անցյալում, ներկայում և հատկապես ապագայում. կարելի է ամրապնդել ամուսնու հետ կապերը ակտիվ կերպով ծրագրելով ապագան. նրա վրա ծախսեք ժամանակ, գումարներ և ուժեր
• հետևեք ձեզ (թարմացրեք զգեստապահարանը, նոր սանրվածք, կոսմետոլոգ և այլն). երբ սկսեք ինքներդ ձեզ դուր գալ նրան էլ դուր կգաք

Քիչ չեն դեպքերը երբ կնոջ նուրբ խաղը տալիս է իր արդյունքները:Ամուսինը ուշ տուն գալով տեսնում է ծաղիկներ.

• Ո՞վ է նվիրել
• Ինքս եմ գնել

Տեսնում է սեղանը երկուսի համար պատրաստ.

• Սպասու՞մ ես ինչ որ մեկին
• Այո, քեզ…

Ընկերուհին է զանգում երեկոյան ու երբ ամուսինն է մոտենում խոսափողին դնում է…Իսկ ամուսնու աչքերում հետաքրքրասիրություն է…
Դժվար թե կարողանանք թվարկել բոլոր այն դարավոր հնարամտությունները, որոնք արտակարգ իրավիճակներում կարող է կիրառել կինը պահպանելու համար իր ընտանիքն ու երջանկությունը:

Հարցեր, պատասխաններ, մեկնաբանություններ