Ինչպե՞ս խուսափել ամուսնալուծությունից. երջանկության բանաձեւ` բրիտանացիներից

Մինչ բազմաթիվ ամուսնական զույգեր վերջին ուժերով փորձում են պահպանել քանդվող հարաբերությունները, բրիտանացի մի խումբ գիտնականներ շարունակում են երջանկության բանաձևի փնտրտուքը: Այս անգամ նրանք գերազանցել են իրենք իրենց:

Ինչպե՞ս ամրացնել ամուսնությունը: Բրիտանացի գիտնականներն իբրև պատասխան առաջարկում են նորմալ վերաբերվել արտաամոսնական սեռական հարաբերություններին: Այս մասին հայտարարել է սոցիոլոգ Քեթրին Հակիմը: The Telegraph-ը, մեջբերելով Քեթրինին, գրում է, որ ժամանակակից հասարակությունը սխալ է վերաբերվում դավաճանություններին: Դավաճան զուգընկերոջ կամ զուգընկերուհու գլխին մեծ սկանդալ սարքելը, կռվելը, արցունքներն ու ամուսնալուծության հայտարարություն գրելը անցյալ դարի վարքագիծ են: Այժմ պետք է փոխել արժեհամակարգը, օրինակ վերցնել ֆրանսիացիներից ու իտալացիներից, ովքեր դավաճանություններին ավելի լոյալ են վերաբերվում:

Ի տարբերություն այդ երկրների, ըստ սոցիոլոգի, ԱՄՆ-ում եւ Մեծ Բրիտանիայում մեծ թիվ են կազմում հենց դավաճանության պատճառով ամուսնալուծությունները: Ինչպես նշել է Քեթրին Հակիմը, նոր ժամանակների պահանջն է վերանայել հայացքները:

Հարցեր, պատասխաններ, մեկնաբանություններ