Ընտանեկան խնդիրները կարելի է հեշտությամբ լուծել հորմոնի միջոցով

Դեղագետները ընտանեկան զույգերին, որոնց մոտ նկատվում է միմյանց հանդեպ սառնություն, մշտապես վեճեր են տեղի ունենում, խորհուրդ են տալիս իրավիճակը շտկել` օգտվելով հորմոնալ սփրեյից, գրում է The Daily Mail-ը:

Խոսքը օքսիտոցինով սփրեյի` «գրկախառնումների հորմոնի» մասին է: Ինչպես ցույց են տվել հետազոտությունները, այդ միջոցը կանանց դարձնում է առավել հանգիստ ու խաղաղասեր, իսկ տղամարդկանց`զգայուն, ինչը նրանց օգնում է ավելի լավ արձագանքել վեճի ժամանակ: Այս եզրահանգումները հրապարակվել են Social Cognitive and Affective Neuroscience պարբերականում:

Ցյուրիխի համալսարանում 47 զույգի օրինակով գիտնականները հետազոտել են, թե ինչպես է վեճերի ժամանակ հորմոնը ազդում սթրեսի մակարդակի և նյարդային համակարգի վրա: Հետազոտողները հատուկ նպատակով զույգերի համար ընտրել են ցավոտ թեմաներ, ապա տվել են սփրեյը և նրանց թողել 45 րոպե:

Հետո կամավորների վիճակն ուսումնասիրելու համար նրանցից վերցրել են թքի նմուշ: Պարզվել է, որ օքսիտոցինը տղամարդկանց օգնել է ավելի դրական հույզերով շփվել, իսկ կանայք ավելի քիչ են պահանջել: Կանանց վեգետատիվ նյարդային համակարգի ակտիվությունը նվազել է, իսկ տղամարդկանցը`բարձրացել:

Հարցեր, պատասխաններ, մեկնաբանություններ