Գիտնականները պարզել են մարդու վաղաժամ մահվանը նպաստող երկու գործոն. 1in.am

EurekAlert! պարբերականի փոխանցմամբ՝ շվեդ բժիշկները պարզել են երկու հիմնական գործոն, որոնք նպաստում են մարդու վաղաժամ մահվանը: Հետազոտության արդյունքները հրապարակվել են European Journal of Preventive Cardiology պարբերականում:

Գիտնականների կարծիքով՝ որպես վաղաժամ մահվան բազային պատճառ առաջին տեղում ծխախոտն է, իսկ երկրորդ տեղում՝ ֆիզիկական ցածր ակտիվությունը: Բժիշկները նման եզրահանգման են եկել Գյոթեբորգում ապրող տղամարդկանց շրջանում հետազոտություն իրականացնելուց հետո:

Հետազոտությունն առնչվել է 1913 թվականին ծնված 792 մարդու: Բժիշկները նրանց հետևել են 45 տարի: Հետազոտությունը սկսվել է 1963 թվականին, երբ նրանք եղել են 50 տարեկան:

Գիտնականները պարզել են, որ որքան շատ է օրգանիզմն ունակ ֆիզիկական վարժությունների ժամանակ յուրացնել թթվածին, այնքան փոքր է վաղաժամ մահացության ռիսկը:

Հարցեր, պատասխաններ, մեկնաբանություններ