Որոշ գեներ հեռացնելով` մարդու կյանքի տևողությունը կավելանա 60 տոկոսով. գիտնականներ. tert.am

Բրիտանացի և ամերիկացի գիտնականները համատեղ ուսումնասիրությունների արդյունքում հայտնաբերել են ծերացման գործընթացի հետ կապված 238 գեն, որոնց հեռացումը զգալիորեն կավելացնի կյանքի տևողությունը։

Ինչպես նշում է The Telegraph-ը, ընդհանուր առմամբ, հետազոտությունների անցկացումը տևել է 10 տարի։ Այս տարիների ընթացքում կատարված աշխատանքի շնորհիվ մասնագետները պարզել են, որ որոշ գեների չեզոքացումը կամ, այլ կերպ ասած, գենային «խորամանկությունները» թույլ կտան մարդու կյանքի միջին տևողությունն ավելացնել 60 տոկոսով։

«Այժմ մեր նպատակն է պարզել, թե 238 գենից առաջնային որոնք պետք է հեռացվեն երկարակեցությունը լիովին նոր մակարդակի հասցնելու համար»,-նշել է ուսումնասիրությունների առաջատար գիտնականներից մեկը` Բրայան Քենեդին։

Հարցեր, պատասխաններ, մեկնաբանություններ