Գիտնականները պարզել են, որ մարդու կենսաբանական պոտենցիալը նրան 500 տարի ապրելու հնարավորություն է տալիս. 1in.am

Մարդու կենսաբանական պոտենցիալը նրան 500 տարի ապրելու հնարավորություն է տալիս: Այս մասին հայտարարել է Google կորպորացիայի Google Ventures մասնաճյուղի տնօրեն Բիլ Մերիսը Bloomberg-ում հրապարակված հարցազրույցում:

«Կարծում եմ, որ բժշկության ոլորտում ձեռքբերումներն ու կենսաքիմիայի զարգացումը մարդուն հնարավորություն կտան ապրելու մինչև 500 տարի», -նշել է նա:

Մերիսը հայտնել է, որ Google-ն այժմ սթարթափ ընկերությունների է հովանավորում, որոնք գենետիկայի և ախտորոշման ոլորտում ուսումնասիրություններով են զբաղվում, ներառյալ՝ քաղցկեղի:

Բիլ Մերիսը ամերիկյան Դյուկի համալսարանում նյարդակենսաբանություն է ուսումնասիրել: Վերջին տարիներին նա աշխատում է մարդու կյանքը երկարացնելուն ուղղված նախագծերի վրա: Google-ի ներկայիս դիրքորոշումը ելնում է նրանից, որ ճիշտ կենսակերպի դեպքում մարդը կարող է 120 տարի ապրել: Սակայն հետագայում նրան նոր սերնդի մեքենաներ հարկավոր կլինեն, որպեսզի նա կարողանա անսահմանորեն երկարացնել իր կյանքը:

Հարցեր, պատասխաններ, մեկնաբանություններ