Կյանքի տևողությունը կախված է նրանից, թե մարդը որքան ժամանակ է նստած անցկացնում. 1in.am

Ուրբանիզացիայի և բարձր տեխնոլոգիաների օրստօրե զարգացման միտում ունեցող 21-րդ դարում առողջ ապրելակերպ  աշխարհի բոլոր երկրներում է քարոզվում: Դրա հետ կապված մարդիկ սկսել են ավելի մեծ ուշադրություն դարձնել ֆիզիկական ծանրաբեռնվածությանը: Կարոլինայի համալսարանի ուսումնասիրողները պարզել են, որ ոտքի վրա կանգնելն ավելի օգտակար է, քան սպորտով զբաղվելը:

Հենց նստակյաց կյանքն է ավելի վտանգավոր առողջության համար, գրում է The Daily Mail-ը:

Ուսումնասիրությանը ավելորդ քաշ ունեցող 65 տարեկանից բարձր 49 մարդ է մասնակցել: Նրանց ֆիզիկական ակտիվությունը ցածր է եղել:Մասնակիցների կեսը հետևել են վեց ամիս տևող մարզումների ծրագրին:

Հայտնի է, որ կյանքի տևողությունը կախված է բջիջներում քրոմոսոմների ծայրամասերի երկարությունից: Դրանք դանդաղեցնում են ծերացումը:Չնայած ֆիզիկական վարժություններ կատարող մարդիկ ավելի առողջ են, դրանց երկարությունը կախված է նրանից, թե որքան ժամանակ են նրանք նստած անցկացնում: Ինչքան քիչ է մարդը նստում, այնքան երկար են նրա քրոմոսոմի ծայրամասերը, և համապատասխանաբար, այնքան մեծ են երկար ապրելու շանսերը:

Հարցեր, պատասխաններ, մեկնաբանություններ