Երկարակյաց մարդիկ ունեն վառ արտահայտված անհատական դրական գծեր

Դեռ շատ վաղուց բազմաթիվ հետազոտություններ ուղղված են եղել երկար ապրող մարդկանց գենի ուսումնասիրմանը: Հետաքրքրական է, որ Ալբերտ Էյնշտեյնի անվան քոլեջի հետազոտողները եկել են այն եզրակացության, թե «երկարակյացի գենի» մի մասն էլ կարող են կազմել անհատական բնավորության գծերը:

Դրական տրամադրված, ուրախ, հանգիստ, անկեղծ մարդիկ, որպես կանոն, երկար են ապրում: Գիտնականները հետազոտություն են անցկացրել հրեա-աշկենազների և նրանց հետնորդների մասնակցությամբ` ովքեր եղել են 95 տարեկան և ավելի: Աշկենազները (արևելա-եվրոպական հրեաները) ընտրվել են այն պատճառով, որ նրանք բոլորն էլ գենետիկորեն նման են, հետևաբար՝ հետազոտվողների շրջանում ավելի դյուրին է որոշել գենետիկ տարբերությունները:

Նախկինում կատարված հետազոտություններն արդեն ցույց էին տվել, որ մարդու անհատականությունը գենետիկ հիմք ունի և կարող է անմիջականորեն ազդել առողջության վրա: Տվյալ հետազոտության ժամանակ 243 երկարակյացների մոտ ուսումնասիրվել է նաև անհատականությունը բնութագրող գենետիկ հիմնավորումները: Անհատականության գնահատման ժամանակ գիտնականները հայտնաբերել են այնպիսի հատկություններ, որոնք պարզ արտացոլում են երկարակյացների մոտ, օրինակ` կյանքի նկատմամբ դրական վերաբերմունքը, հանգստությունը, ուրախ և անկեղծ լինելը: Երկարակյաց մարդիկ կարծում են, որ կյանքում գլխավորը ժպիտն է, սեփական հույզերն անկեղծ արտահայտելն ու շփման լայն շրջապատը: Բացի այդ, երկարակյացներ նյարդային ամենացածր ցուցանիշն են ունեցել:

Հարցեր, պատասխաններ, մեկնաբանություններ