102 տարեկան բրիտանացին բացել է իր երկարակեցության գաղտնիքը

Դեռ հին ժամանակներից մարդկանց տանջել է երկարակեցության գաղտնիքի բացահայտման հարցը: Ժամանակի ընթացքում բազմապիսի, և նույնիսկ իրար հակասող տարբերակներ են առաջ քաշվել, սակայն դրանցից ամենահավանականը ճիշտ սննդակարգն ու գենետիկան են, գրում է Daily Mail-ը:

Աշխարհի ամենաերկարակյաց մարդկանցից մեկը` 102-ամյա բրիտանացի Դարել Լավը, նշելով իր 102-րդ տարեդարձը, կիսվել է երկարակեցության իր գաղտնիքով:

Ինչպես նշում է ծերունին, գաղտնիքը շաբաթական 5 օր պարտադիր տապակած մթերքներ օգտագործելու մեջ է:

Նա պատմել է, որ 1958 թ.-ից ի վեր` երկուշաբթիից մինչև ուրբաթ պարտադիր ուտում է հավ, ոլոռ, գազար, կարտոֆիլ` բոլորն էլ տապակած վիճակում:

«Ես հասել եմ այս տարիքին և ունեմ ամուր առողջություն շնորհիվ շաբաթական 5 օր տապակած հավ ուտելուն: Սակայն չպետք է մոռանամ նշել ֆիզիկական վարժությունների կարևորության մասին: Ես արդեն 102 տարեկան եմ, սակայն ինձ չճանաչողներն ընդամենը 83 տարի են տալիս»,-ասել է Լավը:

Հարցեր, պատասխաններ, մեկնաբանություններ