Գիտնականները բացահայտել են, թե ինչով է սպորտն օգտակար ուղեղի համար. tert.am

Նյու Յորքի Բիոմոլեկուլային բժշկության ինստիտուտի ամերիկացի գիտնականները պարզել են սպորտի դրական ազդեցությունն ուղեղի վրա: Ինչպես հաղորդում է The New York Times-ը, պարզվել է, որ ֆիզիկական ակտիվությունը խթանում է հիպոկամպում (գլխուղեղի հիշողության կարևոր բաղադրիչ) նոր բջիջների ստեղծմանը:

Ուղեղի գործունեության վրա սպորտի օգտակար ազդեցության մասին գիտնականներն արդեն երկար ժամանակ գիտեին, սակայն մինչ օրս չկար ոչ մի բացատրություն, թե ինչով է պայմանավորված այդ  դրական ազդեցությունը: Դա պարզել գիտնականները կարողացել են միայն վերջին ուսումնասիրության ընթացքում, որի փորձարկումներն իրականացվել են մկների վրա:

Արդյունքում փորձագետները պարզել են, որ ֆիզիկական ակտիվությունը խթանում է նոր բջիջների առաջացումը  հիպոկամպում, ինչպես նաև նպաստում է նոր նեյրոնների գոյատևմանը:

Հարցեր, պատասխաններ, մեկնաբանություններ