Ճապոնիայում ստեղծվել է զարկերակը չափող մարզաշապիկ. 1in.am

Ճապոնական Toyobo ընկերությունը մշակել է հատուկ նյութ, որը կարող է չափել մարդու զարկերակը, ինչպես նաև այլ ֆիզիոլոգիական ցուցանիշներ։ Այս մասին հայտնում է TASS գործակալությունը։

Նյութը, որը ստացել է «Կոկոմի» անվանումը, արտաքնապես և շոշափելիս նման է աուդիոժապավենի։ Այն տեղակայվում է մարզաշապիկի կամ ներքնազգեստի ներսի կողմում և ընդունում մաշկի նունիսկ ամենաթույլ էլեկտրոնային ազդակները։ Հագուստին ամրացվող փոխանցիչ սարքը տեղեկատվությունը փոխանցում է սմարթֆոն։

Դրա միջոցով կարելի է չափել նաև շնչառության հաճախականությունը և քրտնարտադրության մակարդակը։ «Կոկոմի»-ն կարող է օգտագործվել վերականգնողական և մարզական բժշկության մեջ։

Այն դեռևս զանգվածային շուկա դուրս չի բերվել, այն իր գնորդին կգտնի 2017 թվականին։

Հարցեր, պատասխաններ, մեկնաբանություններ