Կեցվածքի շեղումների և հոգեբանության միջև կապ է հայտնաբերվել. 1in.am

Կեցվածքը մարդու ինչպես ֆիզիկական, այնպես էլ հոգեկան առողջության ցուցանիշ է: Ճիշտ կեցվածքը կարող է զգալիորեն բարելավել ինքնազգացողությունը՝ կանխելով հենաշարժական համակարգի հիվանդությունների առաջացումը, նաև զգալիորեն նվազեցնելով վնասվածքներ ստանալու ռիսկը: Այս մասին հայտնում է sobkor.net-ը:

Սեփական կեցվածքի մշտական վերահսկողությունը կօգնի զգալիորեն դանդաղեցնել և հեռացնել ողնաշարի անխուսափելի փոփոխությունները: Նույնիսկ սկոլիոզի կամ օստեոխոնդրոզի առկայության դեպքում ճիշտ դիրքի միջոցով կարելի է դադարեցնել այդ հիվանդությունների զարգացումը:

Եթե մեջքն ուղիղ չեք պահում, մշտապես կռանում եք, որպես հետևանք՝ ոչ ճիշտ դիրքն անմիջական ազդեցություն կունենա ողնաշարի վրա: Արդյունքում կեցվածքի շեղումը կարող է խափանել ներքին օրգանների աշխատանքը:

Ոչ ճիշտ կեցվածք ունեցողները հետագայում կարող են ունենալ շնչառության հետ կապված խնդիրներ` թոքերի ոչ բավարար ծավալի պատճառով, ինչպես նաև խանգարումներ սրտանոթային համակարգում:

Սխալ կեցվածքի հետևանքով որովայնի թուլացած մկանները և ոչ բավարար ֆիզիկական ակտիվությունը կարող են վնասել մարսողական գործընթացին, թուլացնել իմունիտետը, նպաստել օրգանիզմում շլակների կուտակմանը, գլխացավերի, ճողվածքների առաջացմանը:

Մեր մարմնի դիրքը և հոգեկան վիճակը ևս կապված են: Բժիշկները կարծում են, որ հոգեհուզական տարբեր հիվանդություններ, ինչպիսին, օրինակ, նևրոզն է, ուղղակիորեն կապված են հենաշարժական համակարգի հիվանդությունների և կեցվածքի շեղումների հետ:

Հարցեր, պատասխաններ, մեկնաբանություններ