Մեծ ուրախությունն ու հուզմունքը վնասակար են սրտի համար. գիտնականներ. tert.am

Զգացմունքային ցնցումը, որն ուղեկցում է կրծքավանդակի ցավով և շնչառության դժվարացմամբ, կարող է դրսևորվել ո՛չ միայն վախի և վշտի ժամանակ, այլ նաև ուրախության պահերին: Ինչպես հայտնում է BBC-ն` շվեյցարացի գիտնականները նախազգուշացնում են, որ մարդու մոտ կարդիոմիոպաթիայի ախտանշանների առաջացումը պայմանավորված է սթրեսով:

Այն անվանում են նաև «կոտրված սրտի համախտանիշ», սակայն Ցյուրիխի համալսարանական հիվանդանոցի գիտնականների ուսումնասիրությունները ցույց են տվել, որ  20 դեպքից մեկի պարագայում այս խանգարումն առաջանում է շատ ուրախանալու պատճառով:

Սովորաբար, այդ հուզական վիճակը երկար չի տևում:  Տարեց խմբի 1750 հիվանդների հետազոտելով` գիտնականները պարզել են, որ սրտի խնդիրներն առաջացել են ծննդյան տոնակատարության, որդու հարսանիքի, 50 տարի անց ընկերոջ հետ հանդիպման, թոռան ծնվելու, խաղատանը տարած հաղթանակի և այլ ուրախ լուրերի հետևանքով:

Հետազոտության համաձայն` առավել շատ դաշտանադադարից հետո կանայք են  «ուրախությունից սթրեսի»  ենթարկվում:

Հարցեր, պատասխաններ, մեկնաբանություններ