Ինչպիսի հիվանդություններ է առաջացնում միայնությունը. 1in.am

Վերջերս կատարված հետազոտությունները ցույց են տվել, որ միայնությունը մեծացնում է շատ հիվանդությունների առաջացման ռիսկը, հայտնում է novosti-n.org-ը: Այն անուղղակիորեն և ուղղակիորեն պատճառ է դառնում սրտի կաթվածի, թուլամտության և հիպերտոնիայի: Միաժամանակ, հայտնի է, որ իրենց ակտիվ կյանքից գոհ մարդիկ ավելի լավ են քնում, նկատելիորեն ուշ են ծերանում և հիվանդության բուժման ժամանակ ավելի արագ են առողջանում՝ համեմատած միայնակ մարդկանց:

Մշտական միայնությունը վնասում է նաև առողջությանը, հանգեցնում ճարպակալման, ալկոհոլի և ծխելու նկատմամբ հակվածության:

ԱՄՆ հոգեբաններն ասում են, որ նույնիսկ կարճ ժամանակով հարազատներից և մոտիկներից հեռու գտնվելը բարձրացնում է արյան ճնշումը և թուլացնում մարդու իմունային համակարգը` հատկապես տարեց մարդկանց դեպքում:

Կարևոր է նշել, որ միայնության մեջ գտնվող մարդիկ զգում են անհանգստություն և անբավարվածություն, հնարավոր է նաև վախ և ագրեսիայի սպասում: Նրանք կարող են մյուս մարդկանց սկսել դիտել որպես վտանգի աղբյուր: Այդ եզրակացությունները և վերլուծությունները ժամանակակից աշխարհում շատ կարևոր են, քանի որ մարդիկ ինքնակամ իրենց դատապարտում են միայնության` գերադասելով շփվել համացանցով:

Հարցեր, պատասխաններ, մեկնաբանություններ