Բռնկվող մարդիկ ավելի շատ են ենթակա ծանր հիվանդությունների. 1in.am

Բորբոքային գործընթացներից առաջացած հիվանդություններից պաշտպանվելու համար հարկավոր է ավելի հանգիստ արձագանքել շրջապատի հանգամանքներին, հայտնում է healthyliving.com.ua-ն: Փիթսբուրգի համալսարանի գիտնականները պարզել են, որ շուտ բորբոքվող մարդիկ ավելի են հակված հիվանդանալու, քան հավասարակշռվածները:

Փորձերի արդյունքում մասնագետները եկել են այն եզրակացության, որ «նույնիսկ աննշան սթրեսը բարձրացնում է օրգանիզմում բորբոքային ռեակցիա առաջանալու, իմունիտետի նվազեցման և հիվանդանալու հավանականության մեծացման ռիսկը, այդ թվում՝ ծանր»:

Կամավորների մասնակցությամբ փորձերը ցույց են տվել, որ դյուրագրգռության մակարդակի նույնիսկ մի փոքր բարձրացումն առաջացնում է սրտի զարկերի արագացում և արյան քիմիական բաղադրության փոփոխություն: Մասնավորապես, այդ մարդկանց մոտ գրանցվել է ցիտոկին ինտերլեյկին-6-ի բաձր մակարդակ, որն էլ հենց օրգանիզմում բորբոքումների առկայության նշան է:

Հարցեր, պատասխաններ, մեկնաբանություններ