Ինչպես են մարդիկ հաղթահարում բացասական ապրումները. 1in.am

Իռլանդիայի Ուսանողական միության կողմից արված նոր հետազոտության համաձայն՝ «Ամուր կաց» արտահայտությունն ամենավատն է, որ կարելի է ասել հիասթափված մարդուն: Պարզվել է նաև, որ յուրաքանչյուր երրորդը տխրում է ամեն օր, և մեծամասնությունը փորձում է փրկվել բացասական ապրումներից՝ կլանելով խնդիրը, գրում է The irish Mirror-ը:

83%-ի դեպքում մեկ ուրիշի հետ զրուցելը նպաստել է ինքնազգացողության բարելավմանը: Դրանում ոչ մի զարմանալի բան չկա: Հետազոտվողներից 43 տոկոսի համար տրամադրության անկման ժամանակ ամենասարսափելին մեկուսացվածության և ցածր ինքնագնահատականի զգացողությունն է:

Ի դեպ, երբեմն ապրումակցելն այնքան էլ հեշտ չէ: Հյուսիսարևմտյան համալսարանի հետազոտողները փորձարկումների արդյունքում պարզել են, որ այդ հարցում շատ կարևոր է մարդու անձնական փորձը: Օրինակ՝ 200 մարդ կարդացել են մի մարդու մասին, որը, չնայած գործադրած մեծ ջանքերին, չէր կարողանում աշխատանք գտնել: Արդյունքում, տղամարդը ստիպված էր գումար վաստակելու համար թմրանյութ վաճառել:

Անգործության մեջ գտնված կամավորներն ավելի քիչ էին ցավակցում տղամարդուն և ավելի շատ քննադատում էին նրան, քան նրանք, ովքեր երբևէ անգործ չեն եղել: Մասնագետների կարծիքով՝ մարդիկ արագ են մոռանում իրենց բացասական ապրումների մասին և վստահ են, որ եթե իրենք հաղթահարել են, ուրեմն մյուսներն էլ կարող են հաղթահարել:

Հարցեր, պատասխաններ, մեկնաբանություններ