Բարոյական զարգացումն ազդում է ուղեղի կառուցվածքի վրա. 1in.am

Պերելմանի բժշկական դպրոցի գիտնականները հետազոտություն են անցկացրել բիզնես դպրոցի 24-33 տարեկան 67 ուսանողների մասնակցությամբ։

Մասնագետների խոսքով՝ այդ տարիքում ուղեղը հասցնում է լիովին ձևավորվել։ Հետազոտողները մասնակիցների առջև դրել են երկընտրանքային բարոյական հարցեր, օրինակ՝ էֆթանազիային առնչվող հարց։ Ուսանողները սովորելու ընթացքում հաճախ են ստիպված լինում բարոյական որոշումներ ընդունել և քննարկել այդպիսի թեմաներ։ Այս մասին գրում է Science World Report-ը։

Կամավորներին խնդրել են ընտրություն կատարել պատասխանի 12 հնարավոր տարբերակների միջև։ Հիմնվելով դրանց վրա՝ գիտնականներն ի հայտ են բերել մասնակիցների բարոյական զարգացման մակարդակները։

Հետազոտողները նկատել են՝ նրանք, ովքեր հասել են բարոյական զարգացման բարձր մակարդակների, եղել են ամենաբացն ու ամեաքիչ նյարդայինը։ Բացի այդ, նման ուսանողների մոտ գլխուղեղի առջևի կեղևում եղել է ավելի շատ մոխրագույն նյութ, որը կապված է որոշումների ընդունման հետ։

Հետագա հետազոտություններում մասնագետները մտադիր են պարզել, թե ո՞րն է ուղեղի կառուցվածքում փոփոխությունների պատճառը։

Հարցեր, պատասխաններ, մեկնաբանություններ