Բոլոր մարդիկ լավն են. մարդկային ուղեղն ի սկզբանե ուղղված է ալտրուիզմի. գիտնական. 1in.am

Բոլոր մարդիկ բարի են նախատրամադրված: Այսպիսի եզրահանգման է եկել գիտնական-նեյրոկենսաբան Դոնալդ Պֆաֆը: Նրա հիմնական եզրահանգումները ներկայացված են Pacific Standart-ում:

Պֆաֆը վստահ է, որ մարդն իր էությամբ բարի է, բայց այդ որակը միշտ չէ, որ համընկնում է համընդհանուր ընդունված փիլիսոփայական և կրոնական նորմերին:

Էվոլյուցիայի ընթացքը ցույց է տվել, որ մարդկանց անհրաժեշտ է հոգատարություն, ընդ որում՝ ո'չ միայն ամենամտերիմ հարազատների կողմից: Ըստ Պֆաֆի՝ մարդու համար նախևառաջ կարևոր են սոցիումը և ալտրուիզմը: Դա բացատրվում է նրանով, որ Homo sapience-ի ուղեղը սովորաբար ջնջում է անհատականության և հասարակության այլ անդամների միջև տարբերությունները: Բացի դրանից՝ գոյություն ունեն, այսպես կոչված, հայելային նեյրոններ, որոնք ակտիվանում են ինչպես որոշակի գործողություն կատարելիս, այնպես էլ այդ գործողության կատարմանը հետևելիս: Այլ կերպ ասած՝ մարդը փորձում է կրկնօրինակել` ինչ տեսնում է:

Ուղեղի այդպիսի գործառության մեջ գիտնականը տեսնում է հերոսության պատճառները: Դա նաև բացատրում է, թե ինչու են հերթի վերջում գտնվող մարդիկ, ընդհանուր առմամբ, լավ վերաբերվում դրամարկղի մոտ կանգնածներին՝ չնայած հերթը մեծ է:

Ալտրուիզիմի դրսևորումը կարող է սահմանափակվել միայն խմբով, օրինակ՝ այդպես լինում է հանցախմբերում, որի անդամներն իրար հետ կապված են սերտ ընկերական կապերով և, միաժամանակ, սպանում ու թալանում են ուրիշներին: Այդպիսի վարքը Պֆաֆը բնութագրում է որպես «ալտրուիստական գիտակցության վնասում»: Մեր ուղեղն ուղղված է սոցիալականացման, ոչ թե ալտրուիզմի այդ բառի համամարդկային իմաստով: Մարդը սոցիալական էակ է:

Հարցեր, պատասխաններ, մեկնաբանություններ