Սովորում ենք լուծել կոնֆլիկտները առանց քայքայիչ էմոցիաների

Բոլորս էլ հիշում ենք այն խոսքը, թե ցերեկնավելի իմաստուն է, քան գիշերը: Բազմաթիվ հոգեբաններ պնդում են, որ սա վերաբերում է նաև սիրելի տղամարդու հետ հարաբերություններին: Ավելի լավ է կոնֆլիկտից հետո սպասել որոշ ժամանակ, և հետո միայն փորձել լուծել խնդիրը: Ահա թե ինչու.

Ժամանակ կա «սառչելու» համար: Կռվի ընթացքում հաճախ ասում ենք որոշ բաներ պարզապես ասելու համար' առանց մտածելու, ահա թե ինչու մեզ ժամանակ է անհրաժեշտ էմոցիաներից ազատվելու և սառը դատողությունը վերականգնելու համար:

Առավոտյան մենք ավելի հանգիստ ենք լինում, քան աշխատանքային օրվա ավարտին, երբ զգում ենք մեզ որպես քամված կիտրոն ու անգամ փոքր կոնֆլիկտից կարող ենք մեծ սկանդալ ստանալ: Սա ևս մեկ պատճառ է կոնֆլիկտի լուծումը մինչև առավոտ հետաձգելու համար:

Եվ վերջապես, առավոտյան մեր մտքերն ավելի ռացիոնալ են լինում: Ուշ ժամերի մենք հաճախ կորցնում ենք մտածելու ու կշռադատելու կարողությունն առհասարակ, դիմացինի կողմից ասվածները չենք ցանկանում երկար վերլուծել և հանգում ենք արագ, չմտածված որոշումների, անիմաստ գոռում ենք ու ամեն ինչ բարդացնում:

Մի խոսքով՝եթե ուշ ժամի կանգնել եք կոնֆլիկտի առաջ, զերծ մնացեք որոշում կայացնելուց, խոր շունչ քաշեք, զսպեք Ձեզ ու պառկեք քնելու, իսկ առավոտյան հետադարձ հայացք գցեք խնդրին ու կզգաք, որ էմոցիաներն արդեն տեղի են տվել, մնացել են միայն փաստերը:

Հարցեր, պատասխաններ, մեկնաբանություններ