Էմոցիաների վերահսկումը կօգնի գեղեցիկ կազմվածք ունենալ

Ջոն Քերոլի համալսարանի գիտնականները պարզել են, որ վառ էմոցիաները նվազեցնում են մարդու ֆիզիկական ակտիվությունը:

Գիտնականները փորձ են անցկացրել, որին մասնակցել են 153 կամավորներ: Նրանց խնդրել են պատմել, թե ինչքան հաճախ են այցելում մարզասրահ և զբաղվում սպորտով և ինչպես է էմոցիոնալ վիճակը ազդում ֆիզիկական ակտիվության վրա:

Ինչպես պարզել են գիտնականները, երբ մարդիկ ուժեղ էմոցիաներ են ապրում, նվազում է մարզասրահ այցելելու ցանկությունը: Շատ ավելի ակտիվ վիճակում է գտնվում մարդը, երբ նրա տրամադրությունը չեզոք է:

Գիտնականներն այս հանգամանքը բացատրում են նրանով, որ ուժեղ էմոցիաների ազդեցության տակ մարդիկ չեն կողմնորոշվում, չեն կարողանում հստակ գիտակցել իրավիճակը և քայլեր ձեռնարկել:

Հարցեր, պատասխաններ, մեկնաբանություններ