Երջանկություն պարգևում են ոչ թե իրերը, այլ տպավորությունները

«Հոգեբան Թոմաս Գիլկովիչն ու Կորնելի համալսարանից նրա գործընկերները հարցում են անցկացրել փորձի մասնակիցների շրջանում, թե վերջերս ինչ գնումներ են նրանք արել և ինչ զգացողություններ են կապված դրանց հետ: Նրանք կարող էին անվանել և՛ առաջկաներ, և՛ իրադարձություններ: Հարցման արդյունքներով` պարի դասերից, ճանապարհորդություններից կամ համերգներից տպավորությունները մասնակիցներին ավելի շատ են ուրախացրել, քան նյութական ձեռքբերումները, հայտնել են գիտնականները Journal of Personality and Social Psychologie-ում»,- փոխանցում է Frankfurter Rundschau-ն:

Փորձի ընթացքում մասնակիցներին նաև առաջարկվել է նկարագրել իրենց կյանքը, ներառյալ` նշանակալի գնումները, մասնակիցները հաճախ են խոսել իրադարձությունների և տպավորությունների, ոչ թե գնումների մասին: Հոգեբանները սրանից եզրակացրել են, որ իրադարձություններն ավելի ուժեղ են ազդում մարդու վրա, քան նյութական ձեռքբերումները:

Հեղինակի խոսքով` արդեն հայտնի էր, որ գնումների պարգևած ուրախությունը կարճաժամկետ է, քանի որ ձեռքբերած իրը համեմատում են այլ իրերի հետ և սկսում են ուրիշ իրեր ցանկանալ, այն դեպքում, երբ հուշը ժամանակի հետ ավելի գունագեղ է դառնում: 

Հարցեր, պատասխաններ, մեկնաբանություններ