Վատ լուրերը ԶԼՄ-ներում տխրեցնում են կանանց, տղամարդիկ դրանց հանդեպ անտարբեր են

Բացասական տեղեկությունը ԶԼՄ-ներում ավելի շատ կանանց շրջանում է մեծացնում սթրեսի հանդեպ զգայունությունը, քան տղամարդկանց, հայտնում է Կանադայի Մոնրեալի համալսարանը` հղում անելով PLOS One ամսագրում հրապարակված հոդվածին:

Հետազոտողները փորձ են արել 60 կամավորի մասնակցությամբ, ովքեր բաժանվել են 4 խմբի` երկուական «կանանց» և «տղամարդկանց»: Նրանց առաջարկվել է կարդալ տարբեր աստիճանի զգացմունքայնության նորություններ (չեզոք և վատ): Կարդալու ընթացքում գիտնականները վերցրել են մասնակիցների թքի նմուշները և արագորեն ստուգել կորտիզոլի մակարդակը, որն ավելանում է սթրեսային իրավիճակներում: Պարզվել է, որ վատ լուրերը տխրեցնում են կանանց, իսկ տղամարդիկ դրանց հանդեպ անտարբեր են:

Ընթերցանությունից հետո մասնակիցներին տրվել են հիշողությունը, ուշադրությունը, ուղեղի ակտիվությունը ստուգող թեստեր և առաջադրանքներ: Հաջորդ օրը բոլոր մասնակիցները հրավիրվել են քննարկելու արդյունքները:

Գիտնականների խոսքով` կանայք նաև ավելի լավ են հիշում վատ նորությունների մանրամասները, քան տղամարդիկ:

Հարցեր, պատասխաններ, մեկնաբանություններ