Սիրտն ինքնավերականգնվում է նույնիսկ ծանր հուզական ցնցումներից հետո

Մարդիկ, որոնք ողբերգություն են ապրում, չպետք է հուսահատվեն և ընկճախտի մեջ հայտնվեն: Դա բացասաբար կարող է ազդել առողջության վրա: Ընդունված է համարել, որ սիրելիների կորուստը և դրա հետ կապված սթրեսը նորմալ է: Այդ իսկ պատճառով հաճախ բժիշկները հիվանդների հետ շփվելիս ուշադրություն չեն դարձնում այդ փաստին: Գիտնականները կոչ են անում բժիշկներին, լրջորեն մոտենալ մարդկանց, որոնք վիշտ ունեն, քանի որ նրանց մոտ առկա են նույն խնդիրները, ինչ շարքային սրտային հիվանդների մոտ:

Ծանր հուզական ցնցումը կարող է հանգեցնել «կոտրված սրտի համախտանիշի»: Այն սպառնում է սրտի կաթվածով՝ շրջափակման հետևանքով: Մասնավորապես 60-70 տարեկան կանայք են ամենից հաճախ բախվում նման խնդիրների:

Նրանց մոտ սրտային հիվանդություններ են առաջ գալիս հենց այն պատճառով, որ նրանք ի վիճակի չեն լինում հաղթահարելու մերձավորի կորստի վիշտը: Եթե այդ փաստը անգամ չի վնասում սրտի հյուսվածքները, ապա արյունամղման ունակությունը թուլանում է: Արդյունքում՝ տուժում է արյան շրջանառությունը՝ մեծացնելով մահվան ռիսկը:

Բժիշկ Իլան Վիթշտեյնի խոսքով՝ նույնիսկ ուժեղ ցնցումներից հետո, առաջին օրերին պետք է ստեղծել ճիշտ պայմաններ, որոնց առկայությամբ սիրտը կսկսի ինքնավերականգնվել, նրա աշխատանքն աստիճանաբար կվերադառնա բնականոն հուն:

Հարցեր, պատասխաններ, մեկնաբանություններ