Հոգեկան առողջությունը բարոյական, ֆիզիկական լավակեցությունն է

Հոգեկան առողջությունը բարոյական, ֆիզիկական լավակեցությունն է, այլ ոչ թե հոգական հիվանդության բացակայությունը, ասում է Հայկական հոգեբուժական ասոցիացիայի նախագահ Արմեն Սողոյանը:

Նրա հավաստմամբ, յուրաքանչյուր 40 վայրկյանը մեկ աշխարհում մեկ ինքնասպանություն է լինում, սա ավելին է, քան բոլոր տեսակի վթաներից և տարերային աղետներից մահացածների թիվը, և նրանց 60%-ից ավելն ունենում է հոգեկան խնդիրներ:

«Հոգեկան առողջության խնդիրների բարձիթողի վիճակը լուրջ ազդեցություն է թողնում պետության վրա: Մեր երկրում այս տոկոսը մեծ չէ, բայց դա չի նշանակում, որ այն պետք է անտեսել: Սթրեսները բերում են ոչ միայն հոգեկան հիվանդությունների առաջացմանը` քողարկված դեպրեսիաների պատճառով, այլև հոգեկան հիվանդությունները հետագայում մեծ բեռ են դառնում պետության և հասարակության համար: Ճգնաժամերի ժամանակ մեծանում է մարդկանց հոգեկան առողջության համար վտանգը, ինչն իր հերթին բերում է ընդհանուր տնտեսության անկմանը»,- ասում է Ա. Սողոսյանը:

Հարցեր, պատասխաններ, մեկնաբանություններ