Գիտնականները համարում են, որ ատամի մածուկները կարիեսի դեմ չեն օգնում. 1in.am

Գիտնականները պարզել են, որ իրականում ֆտոր պարունակող ատամի մածուկները քիչ արդյունավետ են: Բանն այն է, որ պաշտպանական շերտը, որը գոյացնում են ֆտորային միացությունները էմալի վրա, շատ բարակ է, հայտնում է hronika.info-ն:

Փորձարարական ֆիզիկայի մասնագետ Ֆրանկ Մյուլերը և նրա գործընկերներն ընդգծել են, որ կարիեսը մնում է համաշխարհային առողջապահության հիմնական խնդիրներից մեկը: Օրինակ՝ ԱՄՆ-ում մարդիկ կարիեսի բուժման վրա տարեկան ծախսում են 50 միլիարդ դոլար:

Հայտնի է, որ ֆտորային միացություններն օգնում են էմալը դարձնել ավելի դիմացկուն, սակայն վերջին հետազոտություններից պարզվել է, որ ատամները լվանալուց հետո գոյացած ֆտորային շերտն իրականում ունի մոտավորապես 6 նանոմետր հաստություն, որը բավարար չէ: Արդյունավետ պաշտպանության համար հարկավոր է 10 հազար այդպիսի շերտ:

Հարցեր, պատասխաններ, մեկնաբանություններ