Գիտնականներն իմունիտետի համար հիգիենայի վնասի նոր բացատրություն են գտել. 1in.am

Բելգիացի գիտնականները պարզել են, թե ինչու են գյուղում մեծացած երեխաները քաղաքի երեխաներից ավելի քիչ տառապում ասթմայով և ալերգիայի որոշ տեսակներով: Ֆերմայի օդում ապրող բակտերիաները թոքերի հյուսվածքներում բորբոքային արձագանք են առաջացնում, որը հետագայում այդ օրգանները պաշտպանում է ասթմայից: Մարդու իմունային համակարգի համար հիգիենայի (նախևառաջ՝ բնակելի տարածքներում օդի և մակերեսների մաքրում) վնասի մասին վարկածի նոր ապացույց են դարձել կատարված փորձերը: Գիտնականների աշխատանքի արդյունքները հրապարակվել են Science ամսագրում:

Էնդոտոքսինների պաշտպանական ազդեցության փաստը ստուգելու համար հետազոտողները փորձ են կատարել մկների վրա: Նրանք երկու շաբաթ այդ մոլեկուլները ներմուծել են կրծողների քթի խոռոչի մեջ: Հետո մկներին ստիպել են փոշու տզերի մեծ պարունակությամբ օդ ներշնչել: Էնդոտոքսիններով մշակված կենդանիներն անխոցելի են եղել ասթմայի նկատմամբ, մինչդեռ ստուգողական խմբի կրծողները հզոր ալերգիկ արձագանք են ունեցել և ասթմայով են հիվանդացել:

Հարցեր, պատասխաններ, մեկնաբանություններ