Մատուտակի արմատը վերացնում է բերանի տհաճ հոտն ու ատամնափառը. tert.am

Բերանի խոռոչի ու ատամների մաքրությանը հետևելն առողջության պահպանման հիմնական գրավականներից է, որը, սակայն, շատ մարդիկ հաճախ անտեսում են:

Քանի որ գովազդվող տարատեսակ քիմիական նյութերով հագեցած ատամի մածուկներից շատերը չեն ապահովում խոստացված ձյունաճերմակ արդյունքը, հարկավոր է «օգնության» կանչել բնությանը:

Ինչպես նշում է healthyfoodteam.com կայքը, մատուտակի (солодка) արմատն իր մեջ պարունակում է տրանս-խալկոն կոչվող բնական բաղադրիչը, որը վերացնում է ատամնափառ առաջացնող բակտերիան:

Այն նաև կործանարար ազդեցություն է ունենում թթվանյութ արտադրող բակտերիաների նկատմամբ, որոնք դառնում են տհաճ հոտի, ատամների թուլացման, դեղնելու և ընկնելու պատճառ:

Ատամների առողջությունը պահպանելու համար հարկավոր է ծամել մատուտակի լվացած արմատները, որոնք բավականին հաճելի համ ունեն: Դրանցում եղած տրանս-խալկոնն արգելափակում է վնասակար բակտերիաների բազմացումը։

Հարցեր, պատասխաններ, մեկնաբանություններ