Կոտրվածքների վտանգն ուղղակիրորեն կախված է սննդից. armeniamedicalcenter.am

Օքսֆորդի համալսարանի փորձագետներն իրականացրել են համեմատական ուսումնասիրություն, որով պարզվել է, որ սնունդն ազդում է կոտրվածքների վտանգի վրա:

Հետազոտության ենթարկվել են տարբեր սննդակարգեր օգտագործողներ, հաղորդում է ТАСС-ը:

Պարզվել է, որ հումակերները և բուսակերները 43 տոկոսով ավելի հաճախ են կոտրվածքներ ստանում: Հատկապես ազդրի գլխիկի կոտրվածքը նրանց մոտ 2,3 անգամ ավելի հաճախ է դիտվել:

20 տարի տևող հետազոտությունների ընթացքում ուսումնասիրվել են 55.000 կամավորների տվյալները, որոնցից 50 տոկոսը եղել են մսակերներ: Այդ ժամանակահատվածում հետազոտողները գրանցել են մոտավորապես 4000 կոտրվածք:

Արդյունքում, բուսակերները և հումակերները մսակերներից 43 տոկոսով ավելի հաճախ են ստացել կոտրվածքներ: Կարևորվել է նաև կոտրվածքի տեղակայումը: Բացի հաճախ հանդիպող ազդրի գլխիկի կոտրվածքից, բուսակերների մոտ 1,5-2 անգամ ավելի հաճախ նաև կոտրվել են վերջույթները, իսկ դաստակի կոտրվածքը բոլոր կամավորների մոտ հանդիպել է հավասարապես:

Հարցեր, պատասխաններ, մեկնաբանություններ