Մեծ քանակի շաքարը ոչնչացնում է աղիների պաշտպանությունը

Ինչպես հայտնում է РИА "Новости"-ն, Տեխասի hամալսարանի աշխատակիցները, մկների վրա փորձերով կատարելով, պարզել են, որ շաքարի մեծ քանակ պարունակող սնունդն առաջացնում է աղիների միկրոֆլորայի խանգարում: Դա բացատրում է, թե ինչու արևմտյան սննդակարգը բարձրացնում է աղիների բորբոքային հիվանդությունների վտանգը, այդ թվում նաև` Կրոնի հիվանդության և խոցային կոլիտի: Ապացուցվել է, որ կրծողները, որոնք սնվել են քաղցր մթերքներով, ավելի հակված են եղել հաստ աղու բորբոքումների:

Աղիներում բորբոքումն առաջացել է բարձր քանակի շաքարով սննդի անցնելուց արդեն 3 օր անց: Ավելի մանրամասն հետազոտությունը պարզել է աղիների միկրոֆլորայի փոփոխություն: Փոփոխություններն, առաջին հերթին, առաջացել են Akkermansia muciniphila մանրէների աճի հաշվին: Այդ մանրէները քայքայում են գլիկոպրոտեինները, որոնք աղիների էպիթելային բջիջների կողմից արտադրվող լորձի կազմի մեջ են մտնում:

Նախկինում կարծում էին, որ այդ մանրէներն ունեն հակաբորբոքային ազդեցություն: Բայց Akkermansia muciniphila-ների աճը քայքայել է աղիների ներքին մակերեսնը պատող լորձի պաշտպանիչ շերտը: Դա աղիները դարձրել է անպաշտպան այլ մանրէների նկատմամբ և առաջացրել է հաստ աղու բորբոքում:

Հարցեր, պատասխաններ, մեկնաբանություններ