Նախաճաշին վարսակի շիլա ուտելը կանխում է քաղցկեղից մահանալու վտանգը. tert.am

Հարվարդի համալսարանի գիտնակնների կատարած ուսումնասիրությունները ցույց են տվել օրական 70 գրամ ձավարեղեն ուտելու առողջարար հատկությունները: Ինչպես ներկայացնում է The Independent-ը` Հարվարդի մասնագետները պարզել են, որ նախաճաշին սովորական վարսակի շիլա ուտելն արդյունավետ միջոց է, որը պաշտպանում է մարդուն քաղցկեղից մահանալու հավանականությունից:

Վերջերս իրականացված ուսումնասիրությունը 12 հետազոտությունների վերլուծությունն է, որոնց, ընդհանուր առմամբ, 786 076 մարդ է մասնակցել: Արդյունքները ցույց են տվել, որ օրական 70 գրամ ամբողջական ձավարեղեն (հավասարազոր է մեկ ափսե վարսակի շիլային) օգտագործելը 22 տոկոսով նվազեցնում է մահվան վտանգը ցանկացած պատճառով. անմիջականորեն քաղցկեղից մահանալու վտանգը նվազում է 20 տոկոսով, սիրտ-անոթային համակարգի հիվանդություններից մահանալու վտանգը ևս նվազում է 20 տոկոսով:

Հարցեր, պատասխաններ, մեկնաբանություններ