Ինչու խորհուրդ չի տրվում սննդակարգում միայն բանջարեղեն ներառել. 1in.am

Հայտնի է, որ բանջարեղենը շատ օգտակար է, բայց նրանք, ովքեր որոշում են սնվել միայն բանջարեղենով, պետք է վախենան քաղցկեղից: Ամերիկացի գիտնականները եզրակացրել են, որ բուսակերների սննդակարգը կարող է հանգեցնել լուրջ խանգարումների օրգանիզմում և, որպես հետևանք, վտանգավոր հիվանդություններ առաջացնել: Այս մասին հայտնում է newsyou.info-ն:

Կոռնելի համալսարանի գիտնականները պարզել են, որ բուսակերների օրգանիզմը ենթակա է որոշ գենետիկ մուտացիաների ռիսկի: Մասնագետների խոսքով՝ նման խանգարումները մարդկանց ավելի ընկալունակ են դարձնում բորբոքումների նկատմամբ, ինչն իր հերթին մեծացնում է սրտանոթային հիվանդությունների, նաև հաստ աղիքի քաղցկեղի առաջացման ռիսկը:

«Տվյալ մուտացիան rs66698963 անվանումով մեծացնում է սրտանոթային հիվանդությունների, հաստ աղիքի քաղցկեղի, ինչպես նաև բորբոքման հետ կապված շատ այլ հիվանդությունների զարգացման վտանգը: Այդ պատճառով բուսական յուղերի բարձր պարունակությամբ սննդամթերքի օգտագործումը դառնում է պոտենցիալ վտանգավոր, քանի որ օրգանիզմը ճարպային թթուները վերածում է արախիդոնային թթուների»,- հայտնում են աշխատանքի հեղինակները:

Փորձագետները նշում են, որ արախիդոնային թթուներն անհրաժեշտ են առողջության համար, բայց որոշակի չափով: Դրանց մեծ քանակությունը հղի է օրգանիզմի համար մի շարք կողմնակի ազդեցություններով, ներառյալ՝ մկանային տոնուսի և արյան շրջանառություն խանգարումներով, նաև բորբոքային գործընթացների լրացուցիչ ռիսկով:

Հարցեր, պատասխաններ, մեկնաբանություններ