ԱՄՆ-ում զեկույց են ներկայացրել ԳՄՕ սննդի անվտանգության մասին. 1in.am

ԱՄՆ-ում ներկայացվել է ԱՄՆ Գիտությունների, տեխնիկայի և բժշկության ազգային ակադեմիայի հաձնաժողովի պաշտոնական զեկույցը, որտեղ հիմնավորվում է գենետիկորեն մոդիֆիկացված օրգանիզմների անվտանգությունը և օգտակարությունը, հայտնում է Science Alert-ը:

Հանձնաժողովը ոչ մի ապացույց չի գտել մարդու օրգանիզմի համար ԳՄՕ սննդի վնասակարության մասին: Բացի այդ` բացասական ազդեցություն շրջակա միջավայրի վրա նույնպես չի հայտնաբերվել:

Սակայն, հետազոտությունում կասկածի է ենթարկվում ֆերմերների համար նշանակալի տնտեսական օգուտը, քանի որ չնայած ԳՄՕ-ն թույլ է տալիս գյուղատնտեսությունից ստանալ ավելի շատ եկամուտ, սակայն դրանց օգտագործումն ուղեկցվում է ուսուցման և ենթակառուցվածքների լրացուցիչ ծախսերով, ինչը կարող է չեզոքացնել օգուտը:

Նաև նշվում է, որ ավանդական սելեկցիայի և գենային մոդիֆիկացիայի միջոցով ստացած տեսակների միջև սահմանը գնալով դառնում է անբաժանելի, ինչը կարող է պահանջել մակնիշավորման ստանդարտների և անվտանգության ստուգումների փոփոխություն:

Հարցեր, պատասխաններ, մեկնաբանություններ