Սննդաբանները մանուշակագույն հաց են ստեղծել, որն ավելի հեշտ է մարսվում. tert.am

Սինգապուրցի սննդաբանները մանուշակագույն հաց են ստեղծել, որը, նրանց պնդմամբ, կարող է փոխարինել սովորական սպիտակ հացին և ավելի հեշտ մարսվել:

Ինչպես ներկայացնում է  Oddity central-ը` սննդաբանները նշում են, որ սպիտակ հացը, որոշ դեպքերում, հիվանդների թշնամին է, ինչպես, օրինակ, շաքարախտ, խոլեսթերինի բարձր  մակարդակ, ավելորդ քաշ և արյան բարձր ճնշում ունեցողների համար:

Ըստ մասնագետների, նորույթը պահպանում է հացի համային որակները, միակ տարբերությունը, որ այն մանուշակագույն է: Գույնը պայմանավորված է խաղողում, հապալասում առկա բնական կապույտ գունանյութի հավելմամբ, որը ստացվում է սև բրնձից՝ հակաօքսիդանտի թրմամբ:

Ինչպես նշում են մասնագետները` մանուշակագույն հացը 20 տոկոսով ավելի հեշտ է մարսվում, քան` սպիտակը:

Հարցեր, պատասխաններ, մեկնաբանություններ