2016 թվականին վաճառքում կհայտնվեն ջուրը «հյութ դարձնող» բաժակներ. 1in.am

Kedem պորտալի փոխանցմամբ՝ ամերիկացի գյուտարար Իսահակ Լևին հետաքրքիր միջոց է գտել՝ ջրի օգտագործումը բարձրացնելու համար։ Խոսքն ուղեղին համոզելու մասին է, որ դա ոչ թե ջուր է, այլ՝ հյութ։ Դրա համար Իսահակը 6 տարի աշխատել է այնպիսի բաժակներ ստեղծելու վրա, որոնք ջրին տալիս են բնական հյութի համ ու հոտ։

Նա այդպես ստացել է 4 տարբեր բաժակ, որոնք տալիս են նարնջի, խնձորի, կիտրոնի ու հատապտուղների համ ու հոտ։ Գյուտարարի խոսքով՝ այդ բաժակներում ջուրը համ չունի, սակայն մարդու ընկալողականությունն այնպիսին է, որ բույրերն ազդում են համային զգացողությունների առաջացման վրա։ «Խաբող բաժակների» արտադրությունը սկսելու համար գյուտարարից պահանջվել է հավաքել 50.000 դոլար, և նա իր նպատակին հասել է մի քանի օրում։

Այդ բաժակները վաճառքում կհայտնվեն 2016 թվականի սկզբին։ Բաժակն արժե 20 դոլար, իսկ հավաքածուն (4 բաժակ)՝ 78 դոլար։

Հարցեր, պատասխաններ, մեկնաբանություններ