Մասնագետները պարզել են գիշերն ախորժակի մեծացման պատճառները. 1in.am

Գիտնականները պարզել են գիշերն ախորժակի մեծացման պատճառները, հայտնում է gogetnews.info-ն: Նրանց խոսքով` մութ ժամանակ օրգանիզմն ուտելիքից ավելի քիչ հաճույք է ստանում և փորձում է այն լրացնել շատ ուտելով:

Որոշ փորձերի արդյունքներ վերլուծելով՝ գիտնականները հետաքրքիր եզրակացության են եկել: Ուշ երեկոյան և գիշերվա ժամերին նկատելիորեն դանդաղում է կենտրոնական նյարդային համակարգի ռեակցիան, ինչի հետևանքով ուղեղն ավելի քիչ քանակի ազդանշաններ է ստանում: Ուղեղը կորցնում է ուտելիքից հագեցվածության վրա վերահսկողությունը, և մարդը սկսում է սով զգալ:

Գիշերը կերած ուտելիքից ավելի քիչ հաճույք ստանալն ուղեղին ազդանշան ուղարկելու՝ ավելի շատ ուտելիք պահանջելու պատճառ է դառնում: Ցերեկը մարդիկ ավելի հեշտ են կարողանում վերահսկել իրենց օրակարգը և ուտելիքի քանակը:

Հարցեր, պատասխաններ, մեկնաբանություններ