Գիտնականները բացատրել են, թե ինչպես է ձիթապտղի յուղը նպաստում երկարակեցությանը. 1in.am

Հետազոտությունները ցույց են տվել, որ իսպանացիներն ավելի քիչ են հիվանդանում սիրտ-անոթային և քաղցկեղային հիվանդություններով, հայտնում է ladyhealth.com.ua-ը: Դրա բացատրությունը պարզվել է նրանց սննդակարգի և ապրելակերպի ուսումնասիրություններից:

Պարզվել է, որ երկարակեցությանը նպաստում է ձիթապտղի յուղը և ձիթապտուղը, որոնք տեղաբնակներն օգտագործում են հարյուրամյակներ ի վեր: Ձիթապտղի յուղը մնացած բուսական յուղերից ավելի օգտակար է, քանի որ հեշտ է յուրացվում և պարունակում է շատ օգտակար էլեմենտներ:

Բացի այն, որ ձիթապտղի յուղը նվազեցնում է սիրտ-անոթային և քաղցկեղային հիվանդությունների, ստենոկարդիայի, ինֆարկտի, հիպերտոնիկ հիվանդությունների ռիսկը, այն օգտագործվում է նաև լյարդի, լեղուղիների և ստամոքսաաղիքային համակարգի բուժման համար:
Ամեն օր ձիթապտղի օգտագործումն օրգանիզմից հանում է ավելորդ խոլեսթերինը:

Հարցեր, պատասխաններ, մեկնաբանություններ