Իսրայելում ըմպելիքների քաղցրությունը չափող գդալ են ստեղծել. 1in.am

Իսրայելյան ընկերությունը ստեղծել է նորարարական գդալ, որը կարող է չափել ըմպելիքի քաղցրությունը, իսկ մոտակա ժամանակներում կկարողանա նաև սկանավորել մյուս համերը, հայտնում է Rosbalt-ը:

Գդալն անվանել են Swizzle, իսկ քաղցրության միավորը` Val: Այն ունի թվային էկրան, որի վրա նշվում է ըմպելիքի քաղցրությունը:

Քանի որ տարբեր մարդկանց մոտ քաղցրության զգացողությունը տարբեր է, ընկերությունը որոշել է մշակել Val-ի սանդղակ, որպեսզի մթերքների մեջ շաքարի քանակը չափի նոր մեթոդով:

Այդ մեթոդը հիմնված է մարդկանց զգայունության վրա և օգնում է հաշվի առնել տաք և սառը ըմպելիքների ազդեցությունը, որը կարող է ազդել քաղցրի զգացողության վրա: Val-ի սանդղակը սկսում է 0-ից: 1 Val = 3,4 գ սպիտակ շաքարի: Օրինակ՝ խաղողի հյութի քաղցրությունը հավասար է 42-44 Val, Կոկա-Կոլայինը` 34 Val, իսկ նարնջի հյութինը` 28 Val:

Հարցեր, պատասխաններ, մեկնաբանություններ