Քաղցր գազավորված ըմպելիքով բերանի ողողումն օգնում է... գիտնականներ. 1in.am

Գիտնականները կարծում են, որ մարդը կկարողանա իրեն ավելի լավ կառավարել, եթե պարզապես բերանը ողողի քաղցր գազավորված ըմպելիքով՝ հայտնում է meddaily.ru-ն: Ջորջիայի համալսարանի աշխատակիցները վնասակար սովորությունից հրաժարվող ծխողներին խորհուրդ են տալիս իրենց մոտ լիմոնադ ունենալ, բայց ոչ թե խմել, այլ պարզապես քաղցր գազավորված ըմպելիքով ողողել բերանը: Այսինքն՝ այդպիսով մի քիչ բարձրացնել շաքարի մակարդակն արյան մեջ:

Համարվում է, որ շաքարը, նույնիսկ ընկնելով լեզվի վրա, կարող է ուժեղացնել ուշադրությունն ու էներգիա ավելացնել: Իսկ դա կօգնի ուշադրությունը շեղել ծխելու ցանկությունից և ուժեղացնել ինքնակառավարումը: Գոնե՝ ժամանակավորապես, պնդում են գիտնականները:

Իրենց տեսությունը նրանք ստուգել են ուսանողների վրա: Փորձի առաջին փուլի շրջանակներում հարկ է եղել գնահատել շաքարի ազդեցությունը ինքնակառավարման վրա: Սկզբում մասնակիցները տեքստի վրա «Е» տառն են ընդգծել: Հետո որոշել են էկրանին երևացող տարբեր բառերի գույնը՝ չնայած դրանք այլ գույների անուններ են եղել:

Մասնակիցների կեսը փորձի ժամանակ բերանը ողողել է շաքար պարունակող լիմոնադով, մյուսները՝ արհեստական քաղցրացնող նյութով լիմոնադով: Արդյունքում՝ առաջին խումբն ավելի արագ է արձագանքել բառի գույնին, ոչ թե հենց բառին:

Պրոֆեսոր Լեոնարդ Մարտինի խոսքով՝ «շաքարը խթանում է լեզվի վրա ածխաջրերի պարզ սենսորները՝ տվյալներ է ուղարկում ուղեղում մոտիվացիայի կենտրոններին՝ մեծացնելով ուշադրությունը»:

Հարցեր, պատասխաններ, մեկնաբանություններ