Գիտնականներն առաջարկել են բրնձի պատրաստման անվտանգ եղանակ, որը կազատի արսենիումից. 1in.am

Բելֆաստի Թագավորական համալսարանի գիտնականների խումբը PLoS ONE ամսագրում հոդված է հրապարակել՝ նվիրված բրնձի ճիշտ պատրաստմանը, հայտնում է newsru.co.il-ը:

Նախաբանում ասվում է, որ բրինձը պարունակում է մեծ քանակությամբ անօրգանական արսենիում: Արսենիումն ընկնում է բրնձի մեջ արդյունաբերական աղտոտվածության և բրնձի դաշտերում առկա թունաքիմիկատների միջոցով: Մարդու օրգանիզմում արսենիումը մեծացնում է շաքարախտի, քաղցկեղի և այլ հիվանդությունների զարգացման ռիսկը: Բրինձը հատկապես վտանգավոր է երեխաների համար:

Սակայն գիտնականները հայտնաբերել են, որ բրնձի պատրաստումը քամիչում, ինչը նման է սրճեփին, թույլ է տալիս նրանից հեռացնել մոտ 85% թունավոր նյութեր:

Այդ սարքի օգտագործման ընթացքում եռացող ջուրը անընդհատ անցնում է բրնձի միջով, որը նվազեցնում է արսենիումի քանակությունը: Միաժամանակ պատրաստման ժամանակը մնում է նույնը` սպիտակ տեսակների համար՝ 20 րոպե, դարչնագույն տեսակների համար` 40 րոպե:

Ներկայում գիտնականները մշակում են բրնձեփ, ինչը կաշխատի սրճեփի սկզբունքով:

Հարցեր, պատասխաններ, մեկնաբանություններ