Ամբողջական հացահատկից պատրաստված ոչ բոլոր մթերքներն են օգտակար. med.news.am

Ամբողջական հացահատկից պատրաստված մթերքներն այսօր շատ տարածված են, եւ շատ սննդաբաններ դրանք շատ օգտակար են համարում: Սակայն Հարվարդում իրականացրած հետազոտությունը ցույց տվեց, որ ոչ բոլոր այդպիսի մթերքներն են օգտակար եւ անհրաժեշտ:

«Այն մթերքները, որոնք համարվում են ամբողջական հացահատիկից պատրաստված, ոչ միշտ են օգտակար առողջության համար, քանի որ դասակարգման մոտեցումները կայուն չեն», - նշել են Հասարակական առողջության Հարվարդի դպրոցի գիտնականները:

Նրանց խոսքով՝ այն մարդիկ, ովքեր գնում են այդպիսի մթերքներ առողջ սննդի մասին տարատեսակ հոդվածների ու հաղորդումների տպավորության տակ, իրականում լավ չեն պատկերացնում, որոնք են այդ մթերքների բաղադրիչները: Իրականում ամբողջական հացահատկից պատրաստված մթերքները հիմնականում ավելի շատ կալորիաներ ու շաքար են պարունակում՝ այլ մթերքների համեմատ:

Արդյունքում ստացվում է, որ այդպիսի մթերքների օգտագործումն առողջության համար որոշակի ռիսկեր է պարունակում, որոնք կապված են ո՛չ միայն ինքնազգացողության վատթարացման, այլ նաեւ ավելորդ քաշի ի հայտ գալու հետ: Այդ պատճառով մասնագետները խորհուրդ են տալիս ուշադիր զննել յուրաքանչյուր կոնկրետ մթերքի փաթեթավորումը՝ ուշադրություն դարձնելով դրա բաղադրության վրա:

«Եթե հիմնական բաղադրիչը շաքարն է, ապա այդպիսի մթերքի օգտակարությունը կասկածելի է: Ամբողջական հացահատկից պատրաստված մթերքներում չպետք է շաքարը գլխավոր բաղադրիչ լինի», - ամփոփում է աշխատանքի հեղինակը:

Հարցեր, պատասխաններ, մեկնաբանություններ