Գիտնականները պարզել են` որքան օգտակար կարող է լինել օրական ընդամենը 2 կտոր շոկոլադը. tert.am

Բրիտանական The Independent պարբերականը հայտնում է նոր հետազոտության մասին, որի համաձայն՝ օրական ընդամենը երկու կտոր շոկոլադը կարող է շատ օգտակար լինել:
 
Բրիտանացի գիտնականները նման եզրակացության են եկել 12 տարի շարունակ ուսումնասիրելով 21.000 մարդու սննդակարգը: Աղբյուրն առաջարկում է նկատի ունենալ այս հետազոտությունը և շոկոլադին զուտ որպես քաղցրեղեն չվերաբերվել:

Աբերդինի համալսարանի գիտնականներն ասում են, որ ամեն օր 100 գրամ շոկոլադ ուտելով` մարդ կարող է 25 տոկոսով նվազեցնել սիրտ-անոթային հիվանդությունների և 23 տոկոսով էլ` կաթվածի հավանականությունը:

Հետազոտությամբ պարզվել է նաև, որ ավելի շատ շոկոլադ սպառողները ավելի երիտասարդ են մնում, ավելի քիչ են կշռում և ավելի մեծ ֆիզիկական ակտիվություն ունեն:

Գիտնականները նաև պնդում է են, որ նվազ առողջարար համարվող կաթով շոկոլադն իրականում ոչ պակաս առողջարար է, քան դառը շոկոլադը:

Հարցեր, պատասխաններ, մեկնաբանություններ